Custa pagina amostat su chi podis agatai in custu jassu internet, chi, a nai sa beridadi, est unu sistema de jassus acapiaus a pari. Inghitzendi de su primu link a manu dereta, teneus:
Musica Sarda. E' su cambu prus mannu de custu jassu. Ddoi agatais fueddus, sonus, imàginis, video, midi files, mp3 files a pitzus de sa Musica Sarda prima de totu, ma fintzas cosa meda a suba de sa lingua e sa cultura sarda. Po is apassionaus de ghitarra o de ballus sardus, ddoi funti medas paginas a innoi si chistionat (cun cosa scrita e cosa de intendi e de biri puru) de sa ghitarra e de sa musica sarda. Ci at totu is fueddus de "su patriotu sardu a sos feudatarios" (procurade 'e moderare ..) e de "A Diosu" e "A Diosa" (non poto reposare) e de atrus cantigus de sa traditzioni sarda, e poesias puru in sardu campidanesu e logudoresu. Ci at atra cosa meda chi at a praxi a chini est in circa de "sardidadi". Baxeiddoi.
Serrenti-Sardigna. Si chistionat de Serrenti: una 'idda de làcana tra Campidanu e Trexenta (e pagu pagu Mramidda puru). Su tìtulu Serrenti-Sardegna bolit nai ca mancai de una parti donnia 'idda sarda siat diversa de s'atra, abarrat siguru ca in donnia bidda ci agatas totu sa Sardigna. Innoi puru medas imàginis, is traditzionis, is festas, i' logus a intru 'e 'idda e in su sattu.
Logus Sardus in su Web. Custu jassu est una arregorta di acàpius faci a jassus chi fueddant de Sardigna. S'arregorta est organizada in d-una pariga de categorias: "Lìngua Sarda", "Cultura Sarda", "Mùsica Sarda", "Logus, biddas e tzitadis", "Istitutzionis", "Partidus, movimentus", "Medius de informatzioni", "Atrus logus". Su situ e' scritu totu in sardu.
Ghitarra-Sardigna. As a podi biri màginis in s'interis chi ascurtas ballus sardus a ghitarra. Is imàginis e sa mùsica cambiant automaticamenti, ma, chi bolis, podis andai aranti o torrai acco' crachendi unu butoni (virtuali).